Sumarhús til leigu á Norðurlöndunum

Hvað er Búngaló

Búngaló er sérstaklega hönnuð vefsíða fyrir útleigu á sumarhúsum á Norðurlöndunum. Vefsíðan er hugsuð sem milliliður milli eigendur sumarhúsa og hugsanlegra leigjenda. Auðvelt er fyrir eigendur að skrá sumarhús sín og sér Búngaló um alla markaðssetningu á þeim bæði til innlendra og erlendra ferðamanna. Sömuleiðis er vefsíðan sett upp til að auðvelda leigjendum svo framarlega sem hægt er við það að finna rétta sumarhúsið, á rétta staðnum, á rétta verðinu og á rétta tímabilinum. Vefsíðan er og mun sífellt vera í þróun þar sem við leitumst eftir að þjónusta viðskiptavini okkar á sem bestan hátt.


Búngaló ehf.
Lækjargötu 12, 4.hæð
101 Reykjavík
Ísland
S: 445-4444
info@bungalo.is

Upphafið

Hugmyndin kveiknaði sumarið 2009 þegar Haukur og Steinar ákváðu að leigja sér sumarbústað en komust fljótlega að því að það væri hægara sagt en gert. Hvorugur þeirra var í stéttarfélagi og eftir að hafa vafrað á netinu í nokkrar klukkustundir voru þeir engu nær. Þeir hugsuðu að það hlyti að vera auðveldari leið til að finna sér bústað og í stað þess að kvarta yfir þessu hentu þeir sér í það að hanna lausn á vandamálinu. Úr þessu varð til Búngaló.

Vefurinn opnar

Vefurinn var formlega opnaður 10.mars 2010 við mikla ánægju stofnenda hans enda var hann búinn að vera marga mánuði í þróun og þetta var fyrsta skrefið í áttina að því að draumurinn yrði að veruleika. En fyrsta útgáfan af vefnum var svokölluð beta útgáfu en það þýðir einfaldlega að vefsíðan var tilbúin til notkunar en þó ekki alveg 100% fullkláruð. Viðbrögðin við vefnum voru góð og augljóst að fólk var sammála stofnendum um þörf á slíkum vef, á fyrstu vikum skráðust margir bústaðir inn á vefinn og heimsóknir jukust jafnt og þétt.

Gulleggið

Í sama mánuði og vefurinn opnaði fékk Búngaló viðurkenningu fyrir vel unnin störf en þá varð vefsíðan þeim heiðri aðnjótandi að komast í topp 10 úrslit Gulleggsins. En Gulleggið er árleg frumkvöðlakeppni Innovit og að þessu sinni voru ca. 300 hugmyndir sem hófu keppni.

Tækniþróunarsjóður

Tækniþróunarsjóður úthlutar tvisvar á ári styrkjum til fyrirtækja með það í huga að styðja við tækniþróun og nýsköpun í þágu atvinnulífsins. Í hvert skipti sækja hundruði fyrirtækja um og eru umsóknir þeirra yfirfarnar af fagráði og stjórn sjóðsins sem skipuð eru aðilum úr íslensku viðskiptalífi. Það var því mikið fagnaðarefni haustið 2010 þegar Búngaló hlaut frumherjastyrk frá Tækniþróunarsjóð.

Útgáfa 2.0

Allt frá upphafi hefur Búngaló reynt að þróa áfram vefsíðuna í samstarfi við notendur sína. Í hvert skipti sem ábendingar koma inn er reynt að lagfæra síðuna og betrumbæta upplifunina. Haustið 2011 var svo tekið stórt skref í betrumbótum á síðunni og var heildarútlit hennar gjörbreytt og útgáfa 2.0 af vefsíðunni formlega tekin í gildi.

Style guide

Lógó